 |
مســـآءُ الخير عليكُـم
الرّيجيم ومــآأدراكـ ماآلريجيم
انا شخصياً مش من متآعين الريجيــم،، حاجة في طبيعتي هكي مآنقْدرش نلتزم بأكــل معين
ذويقة وحبيـــبة آنحب الخشرة ^^ ،، نســـتمتع بالأكل ويدخللي في سعادة مش طبيعيّة
لكـــن لمّا يجي حد وايقولي كـــولي هادي وماتآكليش هادي،، نكــرهه :p
ومـــانقدرش نلتزم بحساب السعرات الحرارية والصداع هادا،،
تبــــسِل المآكــلة بعدين ،،
لهذا لعـــبتي كلها على البدآئل الصحية ،،زي خبز الشعير والســلطة اللي نحبهآجداً،،
أيضاً انّقـــص في الحصة متاعي ،، بدل مانآخد صونية كبيرة،، نآخد حاجة أصغر..
لكن وزنـــي لقيته تابت وهـــآدا شي محبط،، يعني اني نآكل زي مآنحرق مافيش فرق!!
وهذآ تطـــلب مني وقفة جادّة مع نفسي،،لآزم انحط حد ونكـــسر الرقم ،،
أنا طـــولي 167 ســـم ووزني،،،
،
،
،
،
توآ انقــــولكم التدوينة القآدمة :p
باش انـــشوقكم واتابعوا معاي التغييرآت في وزني أســـبوع بأسبوع.
اختـــرت ريجيم الدكتور توفيق لانــه سهل ومنطقي ومش حاجــة خيآلية،،
يناسب اكـــلنا ونظامنا الغذائي،،
أنــا شخصياً ماخديتش عنده دكـــتور توفيق ،،ولا عمـــري شفته في حيآتي ،لكن الجداول خديتهم من خواتي وماما،،
ونبي انطــــبقهم وآتكونوآ معاي في مشواري،،
نتونس بيكـــم في وحدة الريجيم القآسي،،
;-(
الدكتور توفيق في مصحه البلسمين في قرجي وهآدي ارقـــآمه
0913377742
0923968919
جربــوهُم الأرْقاآم كآنـــهم مازال يخدموآ ،،
وكـــآن ماردوش عليكـــم آمسحوهآ في وجهي ،،
:d
في بـــعض التحذيرآت والملآحظات اللي عاطـــيها الدكتور وهي:
الاكثـــار من شرب المآء والامتناع بتأأأتا عن الشوكولاته والمشــــروبات الغازية
في حالات فقر الدم ضروري من مرآجعة الطبيب قبل البدء
في حالات الرضــــاعة والحمل لازم اتراجعي دكتورة النسآء متاعكـ
ماتستــــعمليش اي ادوية لخفض الوزن بـــدون ماتستشيريه،،
انـــا في حاجات في الريجيم مش حنمشي فيها بحـــذافيره،، وبندير سكـــيب" لبعض الحاجات اللي ماتناســـبنيش وتوآ انقولكــم عليهآ،،
بنـــبدآ على بركــة الله وربي يعيـــني،،
نبـــي انحط الجدول اللي بنـــمشي عليه كان عندي مخدوم في الجهاز لكـــن خسارة مالقيتاشي :(
قلت لعل وعسى في وحـــدة تبي تبدآ معاي فيه،،
وندردشـــوآ عليه مع بعض ونشكوآ ونبكــوآ ههه
بتـــبدا صاحبتي واحسن وحـــدة هههه ^^
ان شـــالله نحاول نوفره غدوة بالكتـــير
نشـــوفوكم على خير وجمال وصحـــة ورشاقة ^^
السلام عليكم ورحمة الله وبركاته
ردحذفربي يعاونك اختي جيتي عالجرح هههههه كانك تتكلمي عليا سبحان الله :-) :-) :-) :-)
ريجيم د. توفيق حلو وكويس ويبي طول بال لان النزول مش سريع هلبة لكن يعطي في نتيجة حلوة
جربته قبل وضعفت عليه ورجعت سمنت تاااني ;-( ;((
انى قبل تبعت امعه ماشاء الله دكتور توفيق وضعفت عليه الرجيم امتعه هالبه ههههههه لكن توا بعد الولادة زاد الوزن مش قادرة نوصل فيه لانى خارج البلاد ونتمنى نتوصل امعه
ردحذفأزال المؤلف هذا التعليق.
ردحذفوينه النظام .....ملقيتاش
ردحذفممكن ريجيم د توفيق
ردحذفضعفتي
ردحذفاني مديرة رجيم لي ٢٠ يوم نفس لوازن ونتريضه ساعة كل يوم بس اني ديمه عندي هبوط ضغط نبي نتوصل مع دكتور توفيق
ردحذفاني اندير في رجيم ممكن تنزل نطام غذائي بالتفصيل
ردحذف