Apple muffin مآفــــن التُّفــــاح

HELLO EVERY BODY

اليوم الحــلو متاعنا (مافن) ، شن هو المافن muffins؟!!

انحب الاســئلة والبحت،، :P

هـــلبة منا يخلطوآ بين الكب كيكـ والمافن ،المافن مش هو الكب كيكـ ، يعتبر المافن من ضمن مجموعة الخبز ومش من الكيكات.
المافن يكون شوي قوامة متماسك وثقيل ، يكاد يكون خالي من البيض أو تدخل فيه بيضة واحدة او اثنان فقط،،ومنه الحار ومنه الحــلو ،،
وهو وجبة افطار سريعة بكل المقاييس ،، وتزيد فائدته عند إضافة الفواكه والمكسرات وخلافه ،، صحي وجيد للأطفال في المدرسة .

مافن التـــفاح

زي ماقتلكم المافن وجبة صحية للأطفال، وسريعة في التحضير ، وممكن من خلاله ادّخــلي الخضار والفاكهة اللي مايحبهاش طفلكـ وتكون مستساغة ليه ،، لهذا الأم المفروض اتكون مبدعة واتفكر ديما في طريقة تقديم الأكل لطفلها باش يتقبله وماينفرش منه.
نبدوا على بركة الله

حضرت المنيو اللي وعدتكم بيها آخر مرة ،ممكن اديريلها save وprint او تنقليها في ورقة وقت الshopping

المقادير لمافن التفاح
2 حبة تفاح مقشرة ومقطعة
قرفة
2كوب دقيق
3م\ص بيكنج باودر
1\2 م ص ملح
1\4 كوب زيت نباتي
كوب حليب
م ص فانيليا
بيضة
3\4 كوب سكر

الطريقة

نخلط المقادير الجافة مع بعض
على ورق مطبخ ننخل الدقيق+الملح+البيكنج بودر

نخلط السائل مع بعض

البيضة+الفانيليا+السكر+الزيت

نضيف الســـائل الى الجاف أو العكس صحيح

نحصل على عجينة سميكة نوعاً ما،،

نجهزوا ورق الكب كيكـ ,,

الحلوين هادو خديتهم من محل (تاج محل) في السياحية،زنقة ابن بطوطة
بــ 4 دينار العلبة

ورق كب كيكـ من مادة السليكون عمليات ويمكن غسلهم واستعمالهم

انحضروا طاجين الكب كـيكـ وانحطوا فيه أوراق السيليكون،الألوان هادي حيحبوها الاطفال أكيد.

الطواجين هادوا أيضاً سليكون من محـــلات عبدالله ، بصراحة ماننصحش بيهم
انا كملت بيهم الدرس ولـــوحتهم في الكناسة حاشاكم>_>

أولاً يحتاجوآ قاعدة تدعـــمهم وهادا شي مش عملي

ثانياً يسخنوآ هلبة ،، وهما سليكون يعني صعب تتعاملي معاهم او تحركيهم لين يبردوآ

ثالثاً ايديروآ في ريحة مزعجة في الحوش.

رابعاً لوحيـــهم على طول آيدكـ وردي بالكـ تشريهم :p

المهم ناخدوا العجـــين متاعنا بالكوب زي هادا أو أي أداة عندكـ بالشكل هذا باش يسهل توزيعها في القوالب